|
In questa sezione
raccogliamo gli scritti (poesie, lettere) inviatici da alcuni
nostri studenti ristretti presso la Casa Circondariale di
Bellizzi Irpino. Questa costituisce per loro l'unica modalità di
apertura agli altri, la possibilità di "guardare ... oltre le
barriere", per immaginare, sognare, ricordare,
rimpiangere una realtà lontana, assai lontana da quella
che si trovano a vivere oggi.
L a scuola diventa così tramite col mondo lontano, libera...la mente dalla solitudine e dalla disperazione e offre, anche attraverso il sito-web, oltre che con la presenza quotidiana, fraterna, educativa degli insegnanti, quel conforto umano e quel coinvolgimento emotivo che gli studenti ristretti mostrano di apprezzare più di ogni cosa, nel loro difficile cammino di ricostruzione. 
Poesie dal carcere
|
||
|
|
'A DROGA
Ogne juorno faie sempe chesto. Pe' sta' robba nun tiene rispetto e nun puorte crianza. A sbrunzulì. E ce miette pure 'e mmane 'ncuollo, povera vicchiariella. T'astregne dint'e braccia e dice: oj figlio, oj figlio mio dimane se po' salva? 'A droga, 'a droga è nu' veleno ca t'ha fatto male... 'A morte! E' sola chella ca' te' po' sanà. Ma tu affunne diece, vinte vote dint'e carne stu' curtiello. Povera vicchiarella nun se lamenta, ma cu' 'na lacrema ca le scorre 'ncoppa 'o viso e cu' l'urdemo respiro l'astregne forte forte. Core, core 'e mamma... io te perdono! ........................................................................................................................................ |
|
|
'A terza età è bella pecche si' felice e vuo' vulà. E' comme turnasse n'ata vota guagliunciello e spenzierato comme stisse conquistanno n'ata vota 'o primm' 'ammore. Ma po' 'o penziero te fa' guarda' 'a realtà e vide sti' piccerille ca t'astregneno... Chi te vasa, chi te n'pizze 'e mmane dint"e sacche pe' piglia 'e caramelle... e tu felice n'zieme a loro te miette a ridere. Ma 'a sera si' sulo e triste e guarde sempe n'coppa 'a nu' comodino 'a fotografìa 'e Nannina toja te siente male e pienze comm'a vulive bbene. Disprezzo 'a morte pecche nun tene crianza pe' chi è 'nnammurato ma tu 'o ssaje ca primma o poi adda venì. Nun te lamiente e nun te 'mporta ma chiagne dint'o core pecchè pienze ca nun vide chhiù a Marinella, a Gennarino, a Annarella... Ma pure cu' tutto stu' dulore ca' te puorte... si' felice pecche nun vide ll'ora ca' tuorne n'ata vota dint' 'e braccia 'e Nannina toja. ........................................................................................................................................ |
||
|
|
Quann'ero piccerillo, m'arricordo
quann'era maletiempo. ........................................................................................................................................ |
|
|
|
Gennà, tu m'he' scusa' si songo venuto cca' all'ora 'e mangia' ma chisto era 'o mumento ca' t'avevo parla'. 'O saccio ca' tu si' nu' Santo buono e fai tanta miracule ma fore 'a cheste mmure 'nce stanno mamme ca' chiagneno pecche 'e figlie nun tornano cchiù 'a casa, 'a sera. E figlie ca' soffrono pecche nun vedono cchiù 'e pate. Gennà, dint' 'a sti' vicarielle sule e abbandunate 'o sole nun trase p' 'a paura e sti' criaturelle cu' 'e piede scaveze che pena ca' te fanno dint'a sti' case triste e puverelle. Gennà, io nun me metto scuorno'e t' 'o dicere , aggiu chiagnuto pe' vecchiarielle c' 'a fine 'e mese nun riescono a magna'. Gennà, tu si' 'o Patrono 'e Napule e nisciuno 'o mette in dubbio, ma tu nu' miracolo c'ha fa'... ma nu' miracolo gruosso assaje: aiutece a campa' ! ........................................................................................................................................ |
|
| L’AMMORE
L’ammore è’na parola che te mette ‘o ffuoco dint’’e vvene E’ comm’a ‘na fiammella che te brucia chianu chianu fin’’a dint’’o core. E tu ‘o ssaje buono ca senza sta’ parola nun se po’ campà pecchè si pure te vota e t’arrevota fin’’a dinto all’anema ca si pienze sulo pe’ nu’ mumento ca ‘a putisse perdere… murisse ‘e pucundria. E’ ‘nu sentimento ca t’aiuta a penzà ma te fa pure suffrì. E te mette pure dint’’o core stu pensiero cca: Dimane tu puo’ campà pe’ sta parola ‘e felicità! ........................................................................................................................................ |
||
| BUCCIUOL’ ‘E ROSA
Chillu juorno ‘ca te ‘ncuntraie nun me pareva o’ vero ca’ propr’io ero chill’ommo furtunato ‘ca truvaie a’ te, bucciuol’ e rosa. Diceno ‘ca n’cielo stann’ e’ stelle: no, nunn’ è o’ vero, pecchè diceno ‘na buscìa. A’ vera stella sì ttu. Ajiere ire bbella ma doppo vint’anne sì ancora cchiù bella pecchè o’ tiemp nunn’è passato maje. Ma si dimane stamm’ luntano nunn’è colpa e’ chist’ammore ‘ca nuje tenimme dint’o’ core ma è a’ morte ch’è gelosa e ‘nce fa sta’ ‘nfamità.
Mario Micillo |
||
|
|
AMMORE E FANTASIA
L’uocchie tuoie so’ cchiù belle’ d’e’ cruviglie do’ mare e si putesse trasarrìa dint’ ‘o core tuoie pe ‘mme sentì ricco ‘e chist’ammore. Ma si me lass’ p’’a mana vaco a furnì dint’ ‘o fuosso Ma tu ‘nce pienz’ si ‘nu juorno me scetasse senz’ ‘e te o’ cielo se mettesse a chiagnere cu’ mme e pure o’ sole pe’ te fa rispietto chillu juorno nun ascesse. Si pure me maltratti chistu core dimme tu che foss’ ‘a vita mia senz’ ‘e te. Tu sì chella c’appicce o’ fuoco dint’ ‘e vvene e quanno nun te sento e nun te veco ammore mio nun saccio ‘cchiù
chello c’aggia fa’ pe te vedè
Mario Micillo |
|
| A’ MUNNEZZ’ A NAPULE
Chi te conosce chiagne E nun sape chesti lacrime comme l’adda asciutta’, vedennn’ a tte reggina d’ ‘a bellezza comme t’hanno combinata cu’ ‘sta munnezza. E figlie tuoie soffreno ‘ca staie ‘mmocc’ ‘a ggente pe’ ‘sta monnezz’ ca’ t’esce perfino a’ dinto e’ recchie. Nun bastava a’ camorr’ mò s’è miso pure Scanio e Bassolino pe’ completa’ ‘stu sposalizio! Che scuorno ‘nnanze o’ munno ca’ parl’ e’ te sulo p’ ‘a munnezza. Addò primm’ t’avevan’ paga’ pe’ vede’ ‘sti rarità e pe’ senti’ e’ canzone, belle ca sulo tu, Napule mia, e’ sapive fa’ canta’, mò manco Gennaro te po’ salva’ finchè ‘ nce sta ‘sta ggente ca nun sanno cchiù campa’. E si ce penzo, comme sì caduta, accussì abbass’ ca’ perfino l’auciello quanno passa s’appila o’ naso p’’o fetore ‘ca tu tieni perciò nun chiagnere Napule mio ma te’ a’ fa’ capace ca’ simmo arrivati all’ultimo scalino pecchè o’ munno è
diventato tutto ‘na munnezza!
Mario Micillo |
||
|
|
O’ DETENUTO
Doppo tant’anni lascio ‘sti ‘ mmura tristi e puverelle ‘ca ‘o sole nun conosceno che d’è. Me trovo ‘mmiezzo a’ ggente, so’ felice voglio fatica’ onestamente pe’ sta’ assiem’ ‘e figli mije. Cerco ‘nu poco ‘e pane pe’ sfama’ ‘sti creature… so’ pazzo! Bussa’ ‘a port’ ‘e tanta ggent’ pe’ cerca’ ‘nu poco ‘e carità…so’ pazzo! Vaco sott’ ‘a ferrovia a vennere duje fazzolettini me sbrunzuleano…tu si’ pazzo! Vaco sott’ ‘a prefettura cu’ ‘nu cartello scritto ‘ncopp’: cerco lavoro. S’affaccia ‘nu signore ben vestito se mett’ a ridere…tu si’ pazzo! Traso dint’ a ‘na chiesa, o’ preveto me mette a’ mano ‘ncopp’ ‘a spalla …tu si’ pazzo! So’ disperato, nun saccio ch’aggia fa’. Vaco ‘mmiezzo ‘a piazza e me mett’ allucca’ a squarciagola -Voglio muri’- ‘Na voce a luntano me fa eco -Finalmente l’ ‘e
capìto-
Mario Micillo |
|
| GLI ANNI CHE CI ASPETTANO
Sognami se con dolore te ne vai quando ci lasciamo davanti a quella porta. Si chiuderà ogni pensiero; attimi di vista vengono via con te. In quanto a me rimane l’amaro della tua bocca e gli occhi lucenti del tuo pianto entrano nel mio cuore E’ uno strazio che infiamma l’anima: lasciare le tue mani e aspettare un’altra settimana per vederti solo un’ora e poi viene tutto cancellato da quella porta che si chiude. Ricordati amore mio che un giorno io tornerò per cullarti nelle mie braccia, per non lasciarti mai più. Ti amo all’infinito, tuo dolce mon amour
Mario Micillo |
||
|
|
I PROFESSORI
‘Nchiuso dint’ ‘a ‘sti mmura nun tenev’ né futur’ e né voglia cchiù e’ penza’. Oggi mme sento ‘n’ommo realizzato e tutto chesto l’aggia da’ a ‘sti belli pruvussuri ca’ già quann’ e sent’ e’ veni’ a’ luntano me metteno dint’ o’ core a’ speranza pe’ campa’ e me portan’ ‘o profumo da’ libertà. So’ bell’ e so’ doce pecchè teneno a’ pacienz’ e me ‘mpara’ e porteno sempe ‘ncopp’ e’ labbr’ o’ sorriso da’ felicità. So’ gente sana e chien’ e’ sentiment’ pecchè teneno ‘nu core pe’ tanta scunzulati comm’ a ‘mme. Veneno pure loro a scunta’ ‘na pena ca nunn’hanno fatto niente pecch’ ‘nce voglion’aiuta’ pe’ fa’ capi’ a chi vive for’ a chesti ‘mmura ca pure nuje simmo brava gente. ‘Nu rimane v’aggia lassa’ pe’ scadenza ‘e libertà ma ve porto dint’ ‘o core comm’a frate, comm’a sore pecchè sulo vuje m’avite dat’ ‘a forza pe’ lutta’. ‘Nce vulesse ‘nu romanzo pe’ dicere tutt’e cose belle ca m’avite saputo da’ ma o’ tiempo nun ‘nce sta’ pecchè v’aggia lassa’ ma dint’ ‘o core ‘nce state tutti ‘cca pecchè genta bella comm’a vuje nascono ogni cient’anne pe’ rarità Mario Micillo |
|
| O’ SUONNO
Era ‘na sera comm’a tante, faceve friddo me so’ miso dint’o’ lietto pe’ durmi’ ma ‘na lucia forte assaje m’ha bruciate l’uocchie e comme pe’ magia me so miso a vula’ ‘nzieme a ‘na bella figliola ca me faceva cumpagnia. Dint’ a ‘stu viaggio bell’assaje ‘nce simmo fermati ‘ncoppo e’ nuvole Pecchè luntano se sentiva ‘nu mutivo e ‘na canzona -Parlami d’amore Mariù- e cchiù guardavo ‘sta figliola e cchiù vedevo a mamma mia. O’ desiderio era chillo d’ ‘a stregnere dint’ e’ braccia ma chianu chianu se sbiadeva ‘sta figliola.. O’ spavento è stato assaje ca’ me songo scetato tutto strano Ma l’uocchie hanno guardato ‘ n cielo e hanno chiagnuto. Grazie mammà ca pure a’ fin’ e l’anno nun m’e lasciato sulo dint’ a ‘sta cella regalanneme ‘stu suonno accussì bello vedenno a tte, mamma
mia bella Mario Micillo |
||
|
|
||
